Práctica 16: Ciberactivismo

Nesta práctica falarei sobre o ciberactivismo, a miña experiencia con él e a miña opinión ao respecto. 

O ciberactivismo consiste no uso dos recursos tecnolóxicos e de internet para compartir información, participar en actos e expresar temas sobre os que un non está de acordo. Os principais medios sociais nos que podemos encontrar ciberactivismo son Twitter, Facebook e Youtube. Tamén hai páxinas, como Change, que difunden causas sociais. 

A miña experiencia co ciberactivismo é máis ben pouca. Participei nalgunha campaña de change.org, como a petición para parar a megaminaría en Galicia, pero creo que nunca fun a algún acto promovido polo ciberactivismo. Aínda así, fago uso del. Moitas veces, informeime a través de redes como twitter e youtube, onde aprendín diversas cousas respecto ao feminismo ou ao colectivo lgtb+. 

Unha gran vantaxe do ciberactivismo é que é moi accesible. No meu caso, hai temas dos que non me habería concienciado de non ser polo ciberactivismo. Ademais, é unha forma de difundir calquera causa a grandes masas de xente e promover a asistencia a manifestacións e actos. É unha ferramenta inmediata, coa que podes comunicarte con calquera persona en calquera parte do mundo nuns segundos. Aínda que tamén ten uinha gran desvantaxe: non todo o que les nas redes é fiable. En páxinas como Change, si, pero en redes como Twitter, Youtube, etc; non. Por outra parte, o ciberactivismo pode crear desconfianza debido a recibir tanta cantidade de información que non sabemos si é verdade ou non.

Na miña opinión, o ciberactivismo é uinha ferramenta moi importante. Grazas a el pódeste enterar de diversas causas sociais e despois, pola túa conta, informarte a fondo e acudir a eventos. E aínda que sexa unha gran ferramenta, a loita non é suficiente se queda nas redes. Tamén pode haber desconfianza debido a que hai a posibilidade de recibir spam disfrazado de ciberactivismo, polo que debemos aprender a diferenciar a información real da falsa.

Unha causa coa que estou familiarizada é a do feminismo, que busca a liberación da muller e ten como consecuencia a igualdade co home. A pesares de escoitar falar sobre este movemento na miña realidade, onde máis aprendín foi nas redes. Ademais, ao vivir nun sitio pequeno, non é que haia moitos eventos por aquí para acudir. Considero que é unha causa coa que todas as mulleres deberíamos estar familiarizadas xa que é un tema que nos afecta. Outra causa de grande importancia é a dos refuxiados sirios.